Regarder...

Vues panoramiques depuis le centre de montagne de Germ

Lire...

Une présention du Centre de Germ

Ath bèth miei deras Pireneas que trobaratz eth vilatge de Gèrm en vath deth Loron, en païs d'òc, en un eviroament montanhòu excepcionau e preservat.

Pensatz... Aqueth vilatge pitat a 1300m d'altitud, dab ua quarantea d'ostaus capvirats ath sorelh, un uelh sus era vath eth aute facia aths soms eths més hauts. Un lòc encantat !

Pensatz... Gèrm, arritmat pera vita agrò-pastorau, shens eth terratrem urban e toristic, ad-arras deth lac de Ienos-Lodenvièla, aon e s'arretroban totas eras activitats de lésers de Montanha ath pè dera estacion deras Pèiras Agudas.

Qu'ei ací, qu'arcuelhem, en tota sason, desempuish 20 ans :
familhas e grops d'amics, mainats e escòlas, estudiants,
centres especialisats, comitats d'enterpresas, associacions esportivas e culturaus, aimadors d'espòrt e de lésers de tota mena...

Eth Centre de montanha qu'ei hèit en un vielh ostau pireneènc entornejat de casaus en terrassa dab ua piscina deras bèras.

Que podem arcuélher entiò 70 personas.

Eth alotjament de qualitat que perpausa crampas e apartaments, d'ua sala panoramica e grana tà minjar, de salons e de duas salas d'activitats plan equipadas.

Eth centre que foncciona sus eth principe ostau/jaç de sejorn. Era cosina perpausada qu'ei familiau.
Eth ambient qu'ei calorós en arrespèct der'intimitat de tot cadun, en un esperit d'amistat e d'escambi.

Totas eras formulas d'arcuelh que son possiblas

Sejorns en pension sancèra, en mieja-pension o en liura gestion (en dehòra deras vacanças escolaras).